شامبو سدر | رومين شامبو السدر السعودي للتساقط والقشرة

تدوّر على شامبو سدر حقيقي، مو شامبو عادي مكتوب على علبته "سدر"؟ رومين شامبو سدر سعودي، تركيبته وصناعته في السعودية. يجمع السدر مع البلميط المنشاري والكافيين وإكليل الجبل في روتين واحد يحارب التساقط والقشرة، ويخلي شعرك أنظف وأنعم من أول غسلة.

شوف باقات شامبو السدر من رومين ←

ليش السدر بالذات؟

السدر شجرة من أرضنا، وأوراقها استخدمتها جداتنا لغسل الشعر من قبل ما يوجد الشامبو أصلًا. السدر معروف إنه ينظف الفروة والدهون الزايدة بلطف بدون ما ينشّف الشعر، ويهدّي الفروة اللي فيها حكة أو قشرة.

المشكلة إن السدر المطحون لحاله متعب: يوسّخ الحمام، صعب يتوزع على الشعر، وما يكفي لوحده إذا عندك تساقط. عشان كذا سوينا شامبو السدر اللي كنا ندوّره: فايدة السدر، بسهولة الشامبو، ومعه مكونات فعالة ضد التساقط.

وش داخل شامبو السدر من رومين؟

السدر: ينظف الفروة والدهون الزايدة ويهدّي الحكة والقشرة.
البلميط المنشاري (Saw Palmetto): من أشهر المكونات النباتية اللي تحارب تساقط الشعر المرتبط بهرمون DHT. اقرأ عن شامبو البلميط.
الكافيين: ينشّط فروة الرأس ويدعم بصيلات الشعر.
إكليل الجبل (الروزماري) والمنثول: يهدّون الفروة ويحاربون القشرة، ويعطونك إحساس انتعاش.
النياسيناميد والبانثينول: يرطبون الشعر ويقوّونه ويقللون النفشة.
منظفات لطيفة بدون سلفات: رغوة كثيفة وتنظيف عميق بدون تهييج.

وكل منتجات رومين بدون سلفات، وبدون بارابين، وبدون سيليكون.

شامبو سدر للتساقط والقشرة: وش يسوي لشعرك؟

يحارب التساقط: البلميط المنشاري والكافيين يشتغلون على الفروة نفسها، مو بس على الشعر.
يحارب القشرة والحكة: السدر وإكليل الجبل يهدّون الفروة.
يوازن دهون الفروة: فروة نظيفة بدون ما ينشف الشعر.
يقلل النفشة: شعر أنعم وأسهل في التسريح.

شامبو سدر للرجال والنساء

رومين للكل. إذا عندك تساقط فهو مصمم لك، وإذا ما عندك تساقط فهو شامبو صحي يومي يوازن الفروة ويحافظ على شعرك. يناسب الشعر الدهني والجاف والعادي.

طريقة استخدام شامبو السدر

بلّل شعرك وفروتك زين.
حط كمية صغيرة ودلّك فروتك بأطراف أصابعك دقيقة إلى دقيقتين.
اتركه شوي على الفروة عشان المكونات تشتغل، بعدين اشطفه.
كمّل ببلسم رومين على أطراف الشعر عشان الترطيب.

تحس بلسعة خفيفة أو برودة؟ هذا طبيعي، يجي من المكونات الفعالة مثل البلميط المنشاري والمنثول، ودليل إن التركيز كافي يسوي فرق.

متى تشوف النتيجة؟

أول أسبوعين شعرك يتعود على الشامبو الجديد. بعدها المفروض تحس إن شعرك وفروتك أحسن من قبل بوضوح. أما النتايج القوية على التساقط وقوة الشعر فتبدأ تبان من شهرين إلى أربعة أشهر من الاستخدام المنتظم.

شامبو سدر سعودي ومصرّح

رومين علامة سعودية: التركيبة سعودية، والتصنيع في مصنعنا في السعودية، والمنتجات مصرّحة من الهيئة العامة للغذاء والدواء، ومسجلين في برنامج صنع في السعودية. اعرف ليش رومين شامبو سعودي من الفكرة للمصنع.

جرّبه وأنت مرتاح

عندنا ضمانين: الضمان السدري لمدة 30 يوم، وضمان خالي من التساقط لمدة 4 أشهر. يعني المخاطرة علينا، مو عليك.

اختر باقتك من شامبو السدر ←

أسئلة شائعة عن شامبو السدر

هل شامبو السدر مفيد للشعر؟

إيه. السدر ينظف الفروة بلطف ويوازن دهونها ويهدّي الحكة والقشرة. وفي رومين أضفنا له البلميط المنشاري والكافيين عشان يحارب التساقط بعد. للتفاصيل اقرأ فوائد شامبو السدر للشعر.

هل شامبو السدر يحارب التساقط؟

السدر لحاله ينظف ويقوّي الفروة، لكن التساقط يحتاج مكونات متخصصة. عشان كذا شامبو رومين فيه السدر مع البلميط المنشاري والكافيين، وهذا اللي يفرّقه عن أغلب شامبوهات السدر.